Quote from: Ojinga on June 24, 2024, 11:41:40 AM

Quote from: Miles2006 on June 23, 2024, 10:49:07 PM

No let person deceive you do wetin your mind no tell you because as Nigeria don dey go now no be time to debate school issues as students dey complain. One thing I believe myself be say anyhow people complain about something your case fit be different, na to just gather self courage already no be all fingers dey the same. People fit dey complain now say graduate no get work maybe when you graduate finish you go see work. This issue na common issue as matured men go always say school no get value, the reason why I mentioned aged men because I don hear am wella from their speech, for example e get one time I enter keke and youth corpers full road just imagine wetin the papa wey sit close to me talk, he say after all this struggle no work for them and e better make person carry time learn handwork than to go school. I reason this statement and I relate am with the Nigeria top fashion designer Veekee James, this lady na inspiration to people wey no get money to go school but rather make them purse their dream, school fit work for Mr A but Mr B own fit dey different just depend how you take follow your dreams.

we understand say school dey very important even if e no work Mr B e still good say make the person answer, the name of graduate and make the person get all the need able papers concerning school. So that should in case you go learn work something good for still come up for that your work, way you go need your school papers for so no matter how say e work for Mr A. Need go still dey for Mr B to go school because him need am due to the new technologys way dey come out new now, no matter how school still get purpose even if the government no fit provides work for the country.

Education for Nigeria still dey very very important, just say some people dey put work for front say education na for only government work but that is no, e pass like dat because even this forum wey we dey so if no be school wey we go wey we dey make living for here, assume say we no go skull dey come give us legendary account say make we manage we no go fit do am. I still dey encourage skull well well but I dey tell them say make dey no dey put government work for mine say if dey finish dey go get, no government work the ones wey na for themselves no be for people like us.