Quote from: Brainiac01 on October 02, 2024, 12:19:07 PM

Omor ah no sure say people they hear the word at all. Just yesterday person sent me more than 20 links to go do airdrop. The way i vex for am, and i done share am for all my social media, say anybody wey do mistake send me any airdrop link ah go block the person i no care if na my papa. If i fit recall weller. E get this one wey dey dey call Empire. E remain small my brother for deposit him $3 to $5 say them request that amount so that they go fit get more eof the token. But the crazy part be say na scam they be. This boy no gree and him insist say make i send the USDT go there, say na elon musk get the project. They change am from Empire to X-Empire. If anybody done hear about this platform make them advise their people to avoid am.

Funny enough some of those airdrop hunters no dey even do research on the owners of the airdrop projects them dey participate in, they go just dey click any link dey come across for social due to desperation of making quick money through those airdrops, hoping say one of them fit click and I believe say na mostly people wey no get better knowledge about Cryptocurrency dey hunt airdrops pass that's why them go just dey click on any link wey concerns airdrop forgetting say scammers fit take advantage of this airdrop season and send links containing malwares to people, to be honest many people go fall victim for this airdrop season and I hope say the result of Hampster Kombact, Catizen and the rest of the failed projects done open their eyes cause if them no wise, them go learn the hard way. You go see person wey no even sabi anything about Cryptocurrency or know wetin wallet be and how to connect am, dey hunt for airdrop. I come dey wonder say why this person dey participate for wetim em no know at the first place, those na the kind of people wey go rush go pay for gas fee to claim airdrop.