I know say we don discuss this topic many times here but I still need to add something because I never come across anybody wey don talk about am with pigin english and nobody don really talk how we fit take avoid becoming a victim to the p2p scammers.
Wetin Be P2p Scam?
P2P Scam na that kind of scam wey we dey encounter when we dey buy and sell our coins. When you pay for coins the person no release am for you after your payment that person don scam you and when you sell your coin the buyer send you fake alert if you rush go release your coin when you never confirm say the money enter your bank account the person don also scam you.
Wetin You Fit Do To Avoid Becoming A Victim Of P2P Scam?
If you be person way don dey enter bank well well before now you supposed know say when cashiers for bank dey arrange money if you like call dia names dem no go answer you until dem count money finish na so we supposed to dey behave anytime we dey on any p2p transaction e go help us to avoid some of the errors wey I wam list now.
I feel this one well well. If person never confirm the payment, say e never show for account, no matter how the person de pressure, no conform, until u done de sure say the price and amount sent de correct. I almost fall for this kind pressure, but when de guy de call, I tell am make em hold on, make I for confirm the money first.
The one now way de shock me na this one of releasing coins without the proper authorisation of the owner. This one Na big flop from the side of the exchange oh. Because, if person never really confirm the money for account, then the coins done release for exchange, the storyline ehh, person go explain tire. If Na big, make the exchange them try fix am ASAP to avoid red flag.