E get how this our country dey infact the world, becos the kind yama yama things wey dey happen wey no suppose to happen.
For our country e get how things don be wey be say everything na the government we go blame (I understand) butwetin I wan know na how private and careful we dey with things we do or talk and how we mistakenly lick out informations through calls for public about ourselves becos sometimes na we dey take our hands take invite kidnappers, thief people them and every bad people them, I wan know...we dey always dey careful? Like You wey dey read this post now YOU dey always dey careful say your surroundings no make sense to voice out some kind important information?
If we wan make sensitive phone calls, or some sensitive conversation, then make we make sure say na for our house we go do am, and even if we Dey make that kind of conversation for house, make we make sure say our voice Dey down, no be say we go Dey talk, people wey Dey pass for outside go Dey hear our voice, or no be when strangers Dey around na him dem go Dey make that kind conversation.
Sometimes na Wetin we Dey talk for public Na him Dey make hand Dey touch some people, if you don too talk about money for pubic, when you Dey talk all those things, person fit Dey wey Dey hear u, na d person go arrange people make dem come meet u later, so make we Dey fucking carful for public, no Dey put mouth for Wetin no concern you, even if you Dey inside car, make you Dey always mind your business.