Dis country matter just get as e be, if you no get connection for dis country, then make you know say you no get any right. Person wey get connection go Dey wrong, everybody go see say na him Dey wrong, but at the end, dem go talk say na d person wey Dey wrong Dey right, we just don Dey for country wey Dey messed up, I don’t know who go come help us for dis country self.
How person fight for him life, and him win you come still sentence d person say make dem kill am by hanging, if the government no fit protect us again, if we come Dey protect ourselves again, e don turn crime again, so e just Dey obvious say the government self the support all this Fulani herdsmen wey Dey kill people anyhow, because if dem no Dey support them, then Dey no suppose deliver dis kin judgement.
Na so this country matter dey always be, and our leaders go just dey do as e dey Dem for body or as they like, as far as e no dey affect their family, them no go put effort to fight for their citizens.
E come be like say, everybody just dey on their own, on how u survive for this country, no really be anybody concern, if u make am too, na your luck but no do wetin go make you enter problem, because for this country nobody dey fight for anybody, infact if person reason how the country dey go and how our leaders dey maltreat us ehn but na God go deliver e children.