Quote from: SmartCharpa on July 28, 2025, 09:36:23 PM

Quote from: Joy_learns_crypto on July 25, 2025, 04:02:41 PM

If you fit
1. Dey discipline when spending
2. Find works wey you fit earn in bitcoin or convert to bitcoin
3. Learn to hold and protect the bitcoin make scammers no collect your hard work from your hands

As this steps Dey simple so, na so is easy to start you ten years bitcoin investment plan and you will thank the day you decided to start.

You’re right my broda because for this bitcoin investment, make we remember say no be by force to dey invest all our money. E better make person get another source of income, so that if anything happen or you need money urgently, you no go rush sell your bitcoin at loss. When you get steady income from other side, e go help you hold your bitcoin well and give am time to grow without pressure. If you rely only on your investment, small thing fit make you panic and sell am for the wrong price.

And other thing be say, make nobody think say bitcoin na fast way to get money, the better success dey for people wey get patience and fit hold am for long time. All these people wey cash out big today, most of dem start many years ago and dem no shake even when the price fall. So if you really wan make good profit, you go need to calm down, invest what you fit hold for a long time, and no dey check price everyday dey panic like person wey gamble.

Person no really need to get plenty source of income before the person go fit to invest for bitcoin, as far as say you be person wey fit Dey see small small money either weekly or monthly, then you fit invest for bitcoin and e no means say you go carry all the money wey you see for the week or month go invest for bitcoin, you go first of all settle your own money matters wey include to pay for your house rent, pay for your Nepa bill, buy clothes and food too and also pay your school fee or your children school fees. After you go don settle this things, then any remaining money wey come Dey with you na em you go fit use invest for bitcoin. And again e get wetin dem Dey call Emergency funds for bitcoin, that emergency funds na money wey you keep aside incase you get any kind money issue wey come out for Time wey you now expect, you go just put hand for that money take solve the issue, that one now go make you not to put hand or to sell your bitcoin when time never reach.