Quote from: Liliana1304 on August 18, 2025, 12:04:11 PM

Quote from: Jessie2121 on June 06, 2025, 10:05:21 PM

Op the main thing be say everybody want quick moni and if no be wetin person no go fit get that cash fast I no see we youth getting involved. Just like men wey like drink, if where them dey go no be where them go jolly drink and all that fun related them no fit near there at all. To learn hand work good oh but many people no really know why and na now them don dey see reasons why e good to learn hand work especially some wey go service, after school nah wetin remain? White collar job abi? No be for this country, me if I get that opportunity no be to go learn work instead of to go dey carry files dey waka under rain and sun, some people dey lucky while some no dey lucky and peer pressure follow why some no wan learn hand work.

I like as you take address this mata because if we look am, nah true. I just dey tell my guy today say if no be how the government don comot body for ensuring say our youths get gainful employment after school, I no see how them go dey reason to dey do yahoo.

I come dey talk say imagine say our government fit scrap Tertiary education and those finish secondary education go go immediately learn a skill, wetin wan make the economy dey as e dey because now wey e be compulsory something, no body fo get excuse as to why them no get handwork but such a thing no go happen because them (the government) want a situation where them fit dey siphon funds using education as excuse. I dey hear for news when them dey do budget for the year and the amount them dey allocate give education yet we still dey get complaints.

And again this education we dey run up and down na still money we go still put inside to get to where some of these big people dey, nobody ready to spend plenty at the end wetin we think say we go get no go dey possible na why many of we youths no plan to even go forward about school matter and some choose yahoo because the returns no be joke, abeg no be say I support am but na so e be. As long as government no make education free for us na we dey pay them to dey educated, nai make youth chose yahoo instead of learning hand work as means to survive which e dey pay very well I mean the Yahoo to those wey get sense for the business and them no fit reason to learn work since e dey pay, so make we just dey see things the way e be, no be by force to things again.