Zain Bhai aapke point of view aur soch ki respect karte hue main aapse yeh sawaal karna chahta hon ke aapko aesa kyun lagta hai k aek corrupt state aur corrupt government ki qayadat men aesa koi ikdaam awaam k liye faide ka sabab banega? Jabke yeh cheez hum sab jante hain bhale hum bolen na bolen aur maanen ya na maanen, k is mulk men corruption khtm nahin ho sakti, khas kr tab jab mojuda hokumat aur sarbarah hamare upar musallat hain, toh jahan pehle hi itni corruption horhi hai, provinces ko barha k aur mazeed CMs aur ministers appoint kar ke sirf awaam k upar mazeed bhoj dala jayega aur kuch nahin.

Jo parhe likhe log hain jinko thori boht bhi samjh hai politics ki toh unko yeh cheez pata hogi k hamare mulk men jab bhi kharche barhte hain government k, wo sara kharcha awaam ka khoon nichor k nikala jata hai. Kaise nikala jata hai? Bijli aur gas k bill, taxes, mehngai, yeh sab cheezen hain jinke zariye government awaam se paise pure krti hai.. Lehaza agar is tarha ka kuch hota hai jiske chalte 4 ki jaga total 12 soobe ya provinces bana diye jaenge, toh mujhe pura yaqeen hai k development agar hogi bhi toh mehngai had se ziada barh jaegi, bijli gas k bill aur unki keemten barha di jaengi, toh ab aap batao, aek gareeb awaam ko aap 2 achi sarken bana k de dete ho lekin aap unke bijli k bill ko 2000 se barha k 4000 krdete ho, unke liye ismen konsi asaani hai? Development ka faida tab hota hai jab awaam ki khushhaali ka khayal pehle rakha jaye.