Hello Bitcoin talkers..
We know say Nigeria dey always come up as one of the countries wey dey adopt crypto well especially the young people.. and we know say true true no school for the country really dey teach about financial literacy... University nor really dey teach you about how to really build wealth.... But with the rise of crypto, we don see many young people wey don dey understand things about investment, and wealth creation..
I no know who tell you say, school no really Dey teach you how to build wealth o, school Dey teach all these things but, them make am Dey passive way be say, if you no put body, na so the concepts go pass you commot kwa.
For schools, e get watin them Dey call, industrial training, this na time way be say, them go allow you to go practice one craft or the other or do teaching practices cef, for you go learn how to make money by doing some work. This na to expose you to labour market, balance sheet and how to manage money way you go generate from the work you Dey do.
Aside from that cef, school not only teach you but, expose you to people from different fields, life and culture for una to integrate and learn from each other. Things way you go learn from school just plenty but, you need allow school pass through you to learn them.