First, make person ask himself whether e don buy land before and how much land ₦5m fit really get for him area. If land cheap for where you dey, you fit buy land secure am as asset, then use the balance invest for Bitcoin. Land dey sure pass because e no dey lose value easily, but the stress of papers or person fit meet you say na him own the land and government fit stress person join.
But if you look at the wey dey happen now, you go see say plenty people dey even sell land just to hold Bitcoin. That one show say the value and future benefits of Bitcoin don dey sure pass land for some people eye. The truth be say, both get advantage, but Bitcoin fit give you more than land if you fit handle the risk and hold for the long term.
Baba the stress to buy land too much. You go get to do investigation to know the real owners. Check if the land get issues or dey experience things like flood. Den you go come prepare for papers from community, youths and local government permits. You now begin apply for certificate of occupancy. My brother the process choke. But investing for Bitcoin come without too much stress. Anyway, anything wey get advantage also get him hahaha too.