Quote from: CryptopreneurBrainboss on Today at 09:51:30 AM

Quote from: Smartvirus on Today at 09:22:59 AM

Translation no sure abeg are person no scatter this place for us. One naija!

If we get that person reach 5 for this place we for dun get strong case instead of the English wey they flow here. If you dey use chrome to understand wetin e dey write e no hard na Yoruba. I prefer other languages than English because na strong case for us be dat. To dey read things for English just tire me here. Make I say dem plenty wey dey use their mother tongue not minding the language then we reply with pidgin we for dun get wetin we go use argue no be to tell dem we want board wen wetin dey here na English no make sense at all.

I still maintain say, e no sure. Imagine say, I begin dey drop my mother tongue for here now, how many person wan understand. The worst be say, many of our Nigerian languages then no get reference or source for the Google cef, way be say, person for wan translate. When you speak language way your people cef no follow, I wonder if the person cef fit stand talk say, e don communicate because, na the whole essence of the forum and pasting whatever. Na for communication and when person pass information without anybody or make I say, majority understanding nothing, the person don successfully spam the board. E go sure say, we write our pighin well, core pighin than this one way person go carry mother tongue drop for here.

I fit remember say, one major criteria way dey necessitate local board na when, threads way relate one particular nation don too many for a particular board. Upgrade00, Charles and Mpamaegbu don reason this matter before way I capture. Like for other languages now, we don get our naija corner, con still get our naija proverb thread too and others fit still come up. If we get Yoruba, Hausa and Igbo or even Fulani thread with something way point out to forum say na naija something, e no for bad. The bad thing be say, even the indigenous tribe way dey forum as e be now, them no go even reason to make am active. So, how them wan carry reason us...? Even if na to translate some matter way sup for the main board come for that side, e for sure because, e go active at least. Than for for to dey speak watin the next man no go understand, that one cast.