Quote from: Davidvictorson on April 14, 2025, 08:53:26 PM

Wetin fit be the possible dangers of doing P2P transactions with only one merchant for these centralized exchanges wey still dey function like ByBit, Remitano and the others? I dey curious because aside say one or two small price difference in kobo, e get any danger? Now, nor be say the transactions dey happen out side of the platform, e fit be say once you don trade with the merchant before and you come like them based on their price and how fast dem dey pay, you decide say anytime you want trade you go contact them to trade but everything go still happen inside the exchange just to dey safe.

I no think say I don trade with any merchant on a CEX more than once, though ah no dey really pay attention to their names, nah only their feedbacks and successful trades.

The only way you fit trade with a particular merchant/user on many occasions nah for telegram or WhatsApp. Mpamaegbu don give one example of how things fit go badly if you choose to go down this road. Anoda one be say the trader go get your phone number. If nah bad person, him fit track your location, come rob you if him suspect say you dey fucking rich because you dey trade huge amount in crypto steadily with am. So to be on a safe side, using different merchants every now and then dey better.