Quote from: Jubilee58 on September 16, 2025, 09:31:00 AM

Dis na matter wey concern our Rivers State politicians and the federal government of awa country wey be Nigeria.
E no sey e get catacata wey bin de happen between our suspended governor wey be Fugbara and di person wey be di former governor of Rivers State, and the present minister of federal capital territory wey be Abuja, di catacata de very serious to di extent wey be sey dia two no fit settle wey come make di president come de involve for di catacata, wey come make am give governor Fugbara suspension for six months wey come make dem put sole administrator wey bi retired admiral Ibok.
Now, wey the suspension don de complete, because i hiaram sey di suspended governor wey be Fugbara go come back to office on di 18/09/2025, my question be say with everything wey don play now, una think sey di governor go still get power to make en own decision? abi na de federal government go de influence en decision?
I need una contribution for dis matta.

Na the federal government go dey influence him decision, because him no get power over the legislatures, and some policies way him go bring go dey pushed aside if e no dey in the interest of wike and presido. Omo the truth be say, if me be Fubara, I for don resign, there is literally no government arm way him fit preside over, all the appointments has already been made, Omo enh, the guy just dey handicapped. I also feel say, him no get mind to make tough decisions and stand on it. I personally no dey happy to see am come back self, imagine after all the embarrassment.